Cu' nu' suspiro vola na' piuma
e ssaglie fin'a 'ncielo e llà se perde
cu' nu' suspiro se stuta na' cannela
e dint''oscuro nasce na' poesia
cu' nu' suspiro se po' ddì te voglie bbene
o se po' fa na' serenata zitta zitta
cu' nu' suspiro s'accoglie a malasciorta
mentre na' speranzella nasce chiano chiano
cu' nu' suspiro pienze : mo' è fernuta!
ma tu ossaje ca nun fennesce maje,
cu' nu' suspiro se ne va' na' vita sana
e quann' te n'adduone 'o tiempo è già fujuto
cu nu' suspiro sta' passiona mia
va 'ncoppa all'onna e 'o viento
'a porta fin''a tte!