Password dimenticata?
	sabato 4 febbraio 2012		|	[Registrati]	RSS

NEWS

IL MURO

TG

VIDEO

JUVE STABIA

NAPOLI CALCIO

AFFISSIONI

DOCUMENTARI

VIDEO MESSAGGI

ANNUNCI

RUBRICHE

SPONSOR

E succedette verso le otto

ca se sentette un grande botto,

‘nu kamikaze gente ca nu’ trova pace

sotto a’ ‘na metropolitana

aveva fatto nata strage.

Erano cchiù ‘e ‘na cinquantina

ca murettene chella matina,

e ‘nzieme ‘o kamikaze

se truvaiene all’improvviso

fore a porta do’ paraviso.

San Pietro ca nu’ s’aspettava

rummanette llà ‘mpalato,

s’allisciava ‘a barba ‘nu poco meravigliato,

po’ se facette annanze ‘o kamikaze

e dicette:<< faciteme passà

ca Dio ‘e mè tene ammasciata.>>

San Pietro rispunnette:<< tu si ‘o kamikaze

chille ca cumbinato nata strage,

dicite tutti ‘a stessa cosa

convinti ca ‘o Pataterno vi aspetta e vi perdona.>>

Nel frattempo ‘a gente

arete alluccava: << faciteci trasì

è stato chist’ ca nce fatt’ murì,

Dio sentenne ‘stu casino

s’affacciaie e dicette:

<< ma ched’ è chesta ammuina:>>

San Pietro rispunnette:

<< ca nce sta natu kamikaze

chiste è natu ca se sente raccumandato.>>

‘O Pateterno ‘nu poco ‘ncazzato rispunnette:

<< dici  a ‘stu fetente ca è sulo

‘nu criminale delinquente,

‘ncoppa ‘a terra ll’hanno male ‘nfurmato

ca nu’ ‘ce sta posto

pe’ chi campa e more dannato.>>

E acussi dicenno ‘o kamikaze

cadette dint’ all’inferno ‘a ‘mieze ‘o fuoco eterno. 

‘A ‘mieze ‘a gente, se furmaie ‘nu votta votta

ogn’uno vuleva trasì pe’ dint’a ‘sta porta,

dicette San Pietro:<< dovete aspettare

mo ije nu’ tengo neanche ‘e carte preparate

mo ‘e vaco a piglià pe’ vedè

tutt’ ‘e nomme da’ gente ca sta ccà,

come vi siete comportati

e si dint’ ‘o paraviso potete entrare:>>

chiudette ‘a porta e se ne jette.

Turnaie doppo ‘nu paie d’ore

cu ‘nu mazzo ‘e fogli dint’a ‘nu spurtone,

ne chiammaie pe n’omme ‘na ventina

ca trasevane tutti in fila,

a’ ‘nu tratto se fermaie

e ogn’uno guardava ‘nfaccia a’ natu,

dicette San Pietro:<<mi dispiace

quelli che non ho chiamato

non possono entrare,

pecchè ccà nce stanno peccati

che ogn’uno di voi deve scontare.>>

Rispunnette uno ‘a ‘mieze a’ gente:

<< ma nuje nun eravamo preparati,

ancora giovani, ‘e murì chi nce penzave:>>

rispunnette San Pietro:

<< mi dispiace ma ogni uomo

deve essere sempre preparato

pecchè ‘a morte sta sempe in agguato,

e pure si se more all’improvviso

arriccurdateve ca nu’ se fanno sconto

‘mparaviso.

  Raffaele Cuomo