Password dimenticata?
	giovedì 17 maggio 2012		|	[Registrati]	RSS

NEWS

IL MURO

TG

VIDEO

JUVE STABIA

NAPOLI CALCIO

AFFISSIONI

DOCUMENTARI

VIDEO MESSAGGI

ANNUNCI

RUBRICHE

SPONSOR

‘E chiosche ‘e  ll’acqua

so tutte illuminate!

Rusina corre a’ nu tavulino

se ferma a n’ato

po allocche a’ nu guaglione

quatte Maronne!

Che gente e quanta luce

pare na piererotta.

D’e machene ca fermano

scennene giuvinotte e figliulelle

corrono a’ banca  ‘e ll’acqua

 accattano lupine e biscuttielle

e beveno ll’acqua d’a’ Madonna

fresca fresca e liggera leggera.

Nu prufume ‘e mare se sposa

cu chille d’’o ciardino e d’’o castiello.

Arete a’ ll’albere suspirano l’amante

mentre ‘e lucciole, chelle culumbrine

danzanno doce doce dint’’o scuro

allumamene sti core nnammurate.

Na voce dint’’a sera accumpagnate

 a’ chitarre e manduline

mo canta na canzone doce e ffina.

‘O  mutive è bello e delicato

ma chianu chianu s’alluntana

verso ‘a cullina e Puzzano.

A tutte ‘e ristorante d’a’ marina

saglie n’addore ‘e frittura.

‘O cuzzecaro dà ‘a voce

‘e mmie so bbone pure crure!

Ddoie varche tremmanne inte

argiente  d’a’ luna

s’alluntaneno d’a’ marina

chiene ‘e ggente allera.

‘A canzone che canta na figliola

dice ca Castiellammare

è  overo bbella!

Però mmieza ‘a via e botte

è scuppiato‘o finimondo

‘o traffico s’è bloccato

sirene, sische, pernacchie, allucche!

E’ nu contrasto tra poesia e muture

na scena e tantu tiempe fa

cu chella d’a’ vita e oggie.

‘O paraviso e l’inferno!

Po’ ‘e voce inta ‘a sera

se fanno chiù suspirose

‘e cante se perdono luntane

p’’e viche e vicarielle

nzieme addore d’’e rose

nzino a quando tutt’’è silenzio.

‘E chiosche e ll’acqua se stutano

 mo c’’o spettacule è fernuto

e ‘a notte addeventa muta.

E’ ll’alba a n’atu poco

ma dimane e sera

’o spettacule si ripete.

   Enrico Discolo