'E
figlie che so?
So' chille ca corrono
e alluccane
pe' tutta 'a casa,
po' venene vicino
e te danno 'nu vaso.
Quanno so' piccerille
e vanno a' scola
'a matina
me pare mill'anne
che miette fore,
ma po' nu' passa
neanche n'ora
e già tiene
'a nustalgia
dint' 'o core,
e spiere ca passa
ampressa sta jurnata
fino a quanno
nu' so' turnate.
Po', se fanne
cchiù grussarielle
e vonne ascì
cu 'e cumpagnielle,
e 'a sera n'arripuose,
e fore 'a 'stu balcone
faje 'o iesce e trase
fin' a quanno
nu' stanne a' casa.
Po'
cagnene 'e stagione
e arriva
'o primm' ammore,
e pure tu
te siente strano
nu' saje che te piglia,
te siente
'nu poco arrubbate
'e ll' ammore '
'e chisti figlie.
Ma che vuò fà,
chiste so' 'e figlie,
però senza figlie
nun esiste
'na famiglia.
